Gary Chapman vertel
in sy boek "Things I wish I'd known before we got married " dat hy
soveel paartjies tee kom waar een of beide vir hom sê: "Ek dink nie
ons het huweliksberading nodig voor ons trou nie - ons is regtig lief vir
mekaar en kan nie sien dat ons probleme gaan hê nie". Ek dink nie daar is
enige iemand wat trou met die idee dat hulle eendag probleme gaan hê nie, almal
glo op hul troudag dat om lief te wees vir die persoon waarmee hulle trou so
natuurlik is. Dit laat my dink aan daai liedjie wat sê "You make it easy for
me to love you". Ons euforiese
gevoelens lei ons om by mekaar te wil wees, mekaar te leer ken en mekaar te
geniet. In hierdie fase kos dit geen
werk om die verhouding aan die gang te hou nie.
Daar gaan dalk baie energie in die verhouding in, maar dit word nie as
werk beskou nie. Hierdie is 'n
belangrike maar slegs die eerste of 'verliefdheidsfase'.
Hoeveel keer hoor
mens van paartjies wat op skei staan want hulle "voel nie meer lief vir
mekaar nie" of "I have fallen out of love with you". Wat hulle eintlik deurgaan is om in die tweede fase van liefde in te beweeg. In vandag
se wêreld en in die meeste flieks word die boodskap gekommunikeer dat: "As
ek met die regte persoon getrou het sou my gevoelens tog nie weggegaan het
nie." Dus word die verhouding
beeindig en die soeke na "ware liefde" begin weer van vooraf en die
proses word herhaal.
Die eerste fase duur gemiddeld so twee jaar en
dit is "inevitable" dat dit met tyd gaan verby gaan. Dan kom die keerpunt - die keuse om intensioneel lief te hê en nie
net deur gevoelens en emosies gedryf te word nie. Die tweede fase van
liefde kan nogsteeds aspekte van verlief
wees insluit maar dit kom nie meer so vanself nie. Hierdie kan die mees wonderlikste fase van
liefde wees en is baie dieper en meer intiem as om bloot net verlief te
wees. Baie mense sal dit selfs beskryf
as "nogsteeds verlief op mekaar maar net dieper of anders". Dames, ek kan hierdie persoonlik so beaam en
kan net getuig van hoe wonderlik dit is - ek wil dit met die hele wêreld
deel!
As albei in die
huwelik besef daar gaan 'n punt kom wat hulle mekaar weer van vooraf gaan moet
KIES en dit dalk selfs daagliks oor en oor gaan moet doen, sal mens 'n
huwelik kan bou wat hou. Kies dus 'n man
wat intensioneel bereid sal wees om aan julle huwelik te "werk" as die vlindertjies minder begin rondvlieg. Ek
dink hulle moet sommer by die standaard troubeloftes nie net praat oor
"...siekte en gesondheid, armoede en rykdom..." ens. nie maar ook
"selfs al VOEL ek nie meer verlief op jou nie, gaan ek KIES om jou nogsteeds lief te hê".
Lees meer oor
"Things I wish I'd known before we got married" hier: http://www.5lovelanguages.com/resource/things-i-wish-id-known-before-we-got-married/
No comments:
Post a Comment